ئاژانسی هەواڵی مێهر، گرووپی نێودەوڵەتی: شەهادەتی سەرۆک کۆماری ئێران و هاوەڵەکانی دەنگدانەوەی زۆری لە مێدیا و چاپەمەنییەکانی جیهان لەوانە مێدیاکانی عەرەبی هەبوو.
ڕۆژنامەی ئەلمراقیب ئەلعراقی بە ئاماژە بە شەهادەتی ئایەتوڵڵا ڕەئیسی نووسی: ئێمە هەڵوێستی سەرۆک کۆماری کۆچ کردووی ئێران هەمبەر بەرخۆدان و حەشد و فەلەستین دەزانین.
ڕۆژنامەی ئەلقودس ئەلعەرەبی بە مانشێتی بەڕیوەبەرایەتی قەیرانی نەبوونی ڕەئیسی لە ئێران، نووسی: یەکێک لە نیشانەکانی بوونی سەقامگیری سیسی لە وڵاتێک ئیدارەی ئاشتیخوازانە و بەدوور لە پێکدادان دوای نەمانی سەرۆک کۆمارەکەیەتی.
نووسەرێکی سووریاییش لە وتارێکدا لە ڕۆژنامەی ڕای ئەلیەوم نووسی: لە پێشانگای کتێبی تاران لەگەڵ سەرۆک کۆماری ئیران دیدارم کرد و لە قسەکانیدا باوەڕ بوون بە سەرکەوتنی فەلەستین ئاشكرا بوو.
ڕۆژنامەی ئەلئەخباریش نووسی: گیان لەدەست دانی سەرۆک کۆمار و وەزیری دەرەوەی ئیران هەمووانی شۆک کرد و سەبارەت بە ئەو پۆستە لە داهاتوودا پرسیار هەبوو کە ڕێبەری ئەو وڵاتە بە پێی یاسا دۆخەکەی ڕوون کردەوە.
ڕۆژنامەی سووری ئەلسورە بە مانشێتی سەفەری خۆیی بە شەهادەتەوە کۆتایی هێنا، نووسی: ئەوە چیرۆکی ژیانی موجاهیدەکانە و سەرۆک کۆماری ئێرانیش سەفەری جیهادی خۆیی بە شەهادەتەوە کۆتایی هێنا.
ڕۆژنامەی یەمەنی ئەلموسەیرە بە مانشێتی خەسارێک لە گەلی ئیسلامی نووسی: نەمانی ئایەتوڵڵا ڕەئیسی خەاسرێکی قورس لە ئۆمەتی ئیسلامی بوو، ئایەتوڵڵا ڕەئیسی بۆ ڕابوونی ئۆممەتی ئیسلامی، کەم کردنەوەی کێشەکان لە نێوان ئەو ئۆمەتە زۆر هەوڵی دا.
Your Comment